दिल्ली पोलिसांनी पंजाबमधून पैलवान सुशील कुमारला अटक

दिल्ली पोलिसांनी सुशील कुमारला पंजाबमध्ये बेड्या ठोकल्या आहेत. त्याचबरोबर सुशील कुमारसह त्याचा खासगी सचिव अजय कुमार यालाही पोलिसांनी अटक केलीय.

दिल्ली पोलिसांनी पंजाबमधून पैलवान सुशील कुमारला अटक
wrestler Sushil Kumar arrested

 दिल्ली पोलिसांनी पंजाबमधून पैलवान सुशील कुमारला अटक

Delhi Police arrest wrestler Sushil Kumar from Punjab

दिल्ली पोलिसांनी सुशील कुमारला पंजाबमध्ये बेड्या ठोकल्या आहेत. त्याचबरोबर सुशील कुमारसह त्याचा खासगी सचिव अजय कुमार यालाही पोलिसांनी अटक केलीय.

दिल्लीतील छत्रसाल स्टेडियममध्ये झालेल्या 23 वर्षीय सागर राणा हत्या प्रकरणात ऑलिम्पिक पदक विजेता पैलवान सुशील कुमारला अखेर अटक करण्यात आली आहे. तसं वृत्त राष्ट्रीय पातळीवरच्या वृत्तपत्रांनी दिलंय. दिल्ली पोलिसांनी सुशील कुमारला पंजाबमध्ये बेड्या ठोकल्याची माहिती मिळतेय.

सुशील कुमारसह त्याचा खासगी सचिव अजय कुमार यालाही पोलिसांनी अटक केलीय. यापूर्वी दिल्ली पोलिसांनी सुशील कुमारच्या अटकेसाठी पंजाब आणि हरियाणात शोधमोहीम राबवली होती.

सागर राणा हत्या प्रकरणात सुशील कुमार गेल्या काही दिवसांपासून फरार होता. त्याला पकडण्यासाठी पोलिसांनी इनामही जाहीर केलं होतं. सुशील कुमारच्या नावावर 1 लाख तर अजय कुमारवर 50 हजाराचं इनाम ठेवण्यात आलं होतं. सागर राणा याची हत्या झाल्यापासून कुस्तीपटू सुशील कुमार परागंदा आहे. त्याच्यासह अन्य आरोपींविरोधात अजामीनपात्र वॉरंट जारी करण्यात आलं आहे.

सुशील कुमार आणि त्याचे साथीदार अजामीनपात्र वॉरंट जारी झाल्यावर मानसिक दबावाखाली येतील, असा पोलिसांचा अंदाज होता. त्याच वेळी, अटकेपासून वाचण्यासाठी सुशील कुमारने कोर्टात अटकपूर्व जामीन अर्ज दाखल केला होता. पण सुशील कुमारचा जामीन अर्ज रोहिणी सत्र न्यायालयाने फेटाळून लावला होता.


छत्रसाल स्टेडियमच्या CCTV फुटेजमध्येही सुशील कुमार आपल्या 20 ते 25 साथीदारांसह सागर राणा आणि दोन अन्य व्यक्तींना मारहाण करताना दिसून आलाय. या CCTV फुटेजमध्ये सुशील कुमार सागर आणि अन्य दोन व्यक्तींना हॉकी स्टिकने मारहाण करताना पाहायला मिळत आहे. फॉरेन्सिक सायन्स लॅबने हा व्हिडीओही खरा असल्याचं म्हटलंय.



मयत पैलवान सागर राणा हा आपल्या मित्रांसोबत छत्रसाल स्टेडियमजवळील मॉडेल टाऊन परिसरातील एका घरात राहत होता. ही जागा रिकामी करण्यावरुन गेल्या मंगळवारी  मध्यरात्री दोन गटांमध्ये तुफान हाणामारी आणि गोळीबारही झाल्याचा आरोप आहे. यावेळी सुशील कुमारही उपस्थित असल्याचा दावा पीडितांनी केला आहे.

जखमी पैलवानांपैकी सागर राणाचा उपचारादरम्यान मृत्यू झाला, तर इतर काही जण जखमी आहेत. पोलिसांनी घटनास्थळावरुन स्कॉर्पिओ कार आणि बंदूक मिळाली आहे. त्यासोबतच पोलिसांनी जिवंत काडतुसंही जप्त केली आहेत.


सुशील कुमार हा भारताकडून दोन वेळा वैयक्तिक ऑलिम्पिक पदक जिंकणारा एकमेव आहे. 37 वर्षीय सुशील कुमारने 2012 च्या लंडन ऑलिम्पिक्समध्ये रौप्य, तर 2008 च्या बीजिंग ऑलिम्पिक्समध्ये कांस्य पदक पटकावलं होतं. 2008 मध्ये सुशील कुमारने जिंकलेलं पदक हे खाशाबा जाधव यांच्यानंतर ऑलिम्पिक्समध्ये कुस्ती प्रकारात भारताने पटकवलेलं दुसरं पदक होतं.

त्याला 2009 मध्ये राजीव गांधी खेलरत्न या सर्वोच्च क्रीडा सन्मानाने गौरवण्यात आलं होतं.