डिमॅट खातेधारकांसाठी महत्त्वाची बातमी !
पॅनकार्ड शासनाने निश्चित केलेल्या तारखेआधी आधार कार्डशी लिंक केलेले नसेल तर पॅनकार्ड अवैध मानले जाईल.
shubhammore
डिमॅट खातेधारकांसाठी महत्त्वाची बातमी !
पॅनकार्ड शासनाने निश्चित केलेल्या तारखेआधी आधार कार्डशी लिंक केलेले नसेल तर पॅनकार्ड अवैध मानले जाईल.
डिमॅट आणि ट्रेडिंग खातेधारकांना डिपॉजिटरीद्वारे 31 जुलैपर्यंत केवायसी अपडेट करण्यास सांगितले होते. अपडेटची शेवटची तारीख संपण्यासाठी फक्त दोन दिवस शिल्लक आहेत. अशा परिस्थितीत खातेदारांनी ते लवकरच अपडेट करावे, अन्यथा त्यांचे खाते निष्क्रिय केले जाऊ शकते. यासंदर्भात नॅशनल सिक्युरिटीज डिपॉझिटरी लिमिटेड आणि सेंट्रल डिपॉझिटरी सर्व्हिसेस लिमिटेड यांनी परिपत्रकेही जारी केली आहेत.(Demat Account Holders)
अवघे दोन दिवस हाती असल्यामुळे खातेधारकांना अधिक घाई करावी लागणार आहे. मात्र आपले खाते निष्क्रिय होण्याचा धोका रोखण्यासाठी केवायसी अपडेटसाठी वेळ काढणेच अधिक सोईचे होईल. जर एकच मोबाईल नंबर किंवा ईमेल आयडी एकापेक्षा जास्त डीमॅट खात्यात टाकला गेला असेल आणि कौटुंबिक तपशील अपडेट केला गेला नसेल तर अशा डीमॅट खातेदाराला आपला मोबाईल नंबर / ईमेल आयडी दुरुस्ती फॉर्म किंवा विनंती पत्र सादर करण्यासाठी 15 दिवसांची नोटीस देणे आवश्यक आहे.
जर नियमांचे पालन केले नाही तर अशा खात्यांचे पालन न करणारी खाती म्हणून वेगवेगळ्या श्रेणींमध्ये वर्गीकृत केले जाईल. ज्यामध्ये एक लाख ते 25 लाख उत्पन्न असणाऱ्या लोकांचा समावेश असेल. खातेधारकांना डिपॉझिटरीला त्यांच्या उत्पन्नाच्या मर्यादेविषयी माहिती द्यावी लागेल, ज्याची श्रेणी व्यक्ती आणि बिगरव्यक्तींच्या विविध श्रेणींमध्ये वर्गीकृत केली जाईल.एनएसडीएल आणि सीडीएसएलच्या परिपत्रकानुसार, शेअर बाजाराच्या व्यवहारासाठी प्राप्तिकर विभागाने ग्राहकांना पॅनकार्ड आपल्या वेबसाईटद्वारे ऑनलाईन पडताळणी करण्यास सांगितले आहे.
जर पॅनकार्ड शासनाने निश्चित केलेल्या तारखेआधी आधार कार्डशी लिंक केलेले नसेल तर पॅनकार्ड अवैध मानले जाईल. पॅनकार्ड आणि आधार कार्ड परस्परांशी लिंक करणे हे सर्वच शासकीय योजनांचा लाभ घेण्यासाठी फायदेशीर ठरणार आहे. त्यामुळे खातेधारकांनी याबाबतीत मुळीच हयगय करता काम नये. सर्व लाभार्थ्यांसाठी स्वतंत्र मोबाईल क्रमांक आणि ईमेल पत्ते उपलब्ध करावे लागतील. तथापि, लेखी घोषणा सादर केल्यानंतर बीओ आपल्या कुटुंबातील सदस्यांचा मोबाइल नंबर व ईमेल पत्ता अपडेट करू शकतो.(Demat Account Holders)
यात जोडीदार, अवलंबून असणारे पालक आणि मुलांच्या तपशीलाचा समावेश असेल.
