लता मंगेशकरांकडून मुख्यमंत्री सहायता निधीला 7 लाख

राज्याच्या मदतीसाठी अनेक हात पुढे येते आहेत. महाराष्ट्रात सरकारनं कोरोना विरुद्धच्या लढाईसाठी विशेष सहायता निधी निर्माण केलाय.

लता मंगेशकरांकडून मुख्यमंत्री सहायता निधीला 7 लाख
Chief Minister Relief Fund

लता मंगेशकरांकडून मुख्यमंत्री सहायता निधीला 7 लाख 

7 lakh from Lata Mangeshkar to CM Assistance Fund

राज्याच्या मदतीसाठी अनेक हात पुढे येते आहेत. महाराष्ट्रात सरकारनं कोरोना विरुद्धच्या लढाईसाठी विशेष सहायता निधी निर्माण केलाय.

महाराष्ट्र राज्य सध्या कोरोना विषाणू संसर्गाच्या दुसऱ्या लाटेचा सामना करत आहे. राज्याच्या मदतीसाठी अनेक हात पुढे येते आहेत. महाराष्ट्रात सरकारनं कोरोना विरुद्धच्या लढाईसाठी विशेष सहायता निधी निर्माण केलाय. भारतरत्न लता मंगेशकर यांनी कोविड १९ साठीच्या विशेष मुख्यमंत्री सहायता निधीसाठी सात लाख रुपयांची मदत दिली आहे.

महाराष्ट्र राज्य कोरोना विषाणू संसर्गाच्या दुसऱ्या लाटेचा सामना समर्थपणे करतोय. कोविड १९ विरुद्धच्या लढाईत राज्य शासनास आर्थिक मदत देऊ इच्छिणाऱ्यांसाठी कोविड १९ मुख्यमंत्री सहायता निधी स्थापन करण्यात आला आहे. या विशेष निधीसाठी सामाजिक दायित्वाच्या भावनेतून भारतरत्न लता मंगेशकर यांच्याकडून ही मदत प्राप्त झाली आहे, असं मुख्यमंत्री कार्यालयानं काढलेल्या प्रसिद्धीपत्रकात म्हटलं आहे.

महाराष्ट्रातील जास्तीत जास्त नागरिकांनी या निधीत मदत देऊन कोरोना विरुद्धच्या लढण्यासाठी सहाय्य करावे, असे आवाहन मुख्यमंत्री उद्धव ठाकरे यांनी यानिमित्ताने केले आहे.

महाराष्ट्र सरकारची मुख्यमंत्री सहायता निधीसाठी https://cmrf.maharashtra.gov.in/index ही अधिकृत वेबसाईट आहे. या वेबसाईटवर गेल्यानंतर मुख्यमंत्री सहायता निधीसाठी रक्कम जमा करण्याबाबत माहिती उपलब्ध होईल.

मुख्यमंत्री सहायता निधी:कोविड 19
बँकेचे बचत खाते क्रमांक: 39239591720
स्टेट बँक ऑफ इंडिया,
मुंबई मुख्य शाखा, फोर्ट, मुंबई: 400023
शाखा कोड: 00300
आयएफएससी कोड: SBIN0000300मुख्यमंत्री सहायता निधीच्या https://cmrf.maharashtra.gov.in/index वेबसाईटवर गेल्यानंतर तिथे तुम्हाला एक क्यूआर कोड पाहायला मिळेल. तुम्ही तुमच्या बँक किंवा कोणत्याही पेमेंट अ‌ॅपद्वारे क्यू आर कोड स्कॅन करुन मुख्यमंत्री सहायता निधीला मदत करु शकता.

या वेबसाईटच्या मुखपृष्टावरील ऑनलाईन देणगी या पर्यायावर क्लिक करुन देखील मदतनिधी जमा करता येईल. व्यक्तिगत, संघटना, विश्वस्त संस्था, कंपन्या यापैकी एक पर्याय निवडा त्यानंर मदतनिधीचा प्रकार निवडा आणि पुढे जावा. तुमची संपूर्ण माहिती भरा.

त्यानंतर ऑनलाईन पद्धतीनं यूपीआय किंवा डेबिट कार्डद्वारे मदतनिधी जमा करा. त्यानंतर तुम्हाला पावती उपलब्ध होईल.